ციხეგოჯი-არქეოპოლისი (სამეგრელო)

ციხეგოჯი-არქეოპოლისი – ეგრისის (ლაზიკის) სამეფოს დედაქალაქი IV-VII სს., ბიზანტიელთა მნიშვნელოვანი ფორპოსტი სპარსელების წინააღმდეგ წარმოებულ ბრძოლებში VI ს. სამგალავნიანი ციხე-გოჯი აიღო და დაანგრია ცნობილმაარაბმა სარდალმა მერვან-იბნ-მუჰამედმა ანუ მურვან-ყრუმ (VIII ს-ის 30-იან წლები). XVI-XVIII სს. ნოქალაქევი სამეგრელოს მთავრების – დადიანების რეზიდენციაა.
აქ ნახავთ: კავკასიაში უანალოგო კომპლექსს – გვიანანტიკური/ადრეშუასაუკუნეების ხანის ციტადელით, ეგრისის მეფეთა სასახლეების ნაშთებით (IV-VI სს.), კარიბჭითა და საიდუმლო გვირაბით, აგრეთვე სამეფო და სამოქალაქო აბანოებით, წყალსაცავით (IV-VI სს.), უძველესი ეკლესიების ნაშთებით, XVI-XVIII სს. მხატვრობით შემკული ორმოცმოწამეთა გუმბათოვანი ტაძრითა და სხვ. მუზეუმში დაცულია სხვადასხვა ეპოქის საინტერესო ექსპონატები (ძვ.წ. XIII-XII – ახ.წ. XVIII სს.).