ალავერდის წმინდა გიორგის სახელობის ტაძარი (კახეთი)
(alaverdis wminda giorgis saxelobis tadzari - kaxeti)
ალავერდის წმინდა გიორგის სახელობის ტაძარი თელავიდან 18 კმ.-ის მანძილზე, ალაზნის ველზე მდებარეობს. ახლანდელი ტაძრის ადგილას უდაბური ტყე იყო, სადაც წარმართული სამლოცველო ყოფილა. VI საუკუნეში სწორედ მის ადგილას დაუარსებია ერთ-ერთ ასურელ მამას - იოსებ
ალავერდელს მონასტერი. საეპისკოპოსო ტაძრის მშენბებლობა საქართველოს გაერთიანებისა და აყვავების ხანას უკავშირდება.
XI საუკუნეში კვირიკე კახთა მეფის მიერ აგებული ეს ტაძარი ერთ-ერთი ყველაზე დიდი და მნიშვნელოვანია საქართველოში. მისი ძირითადი ნაწილები რიყის ქვითაა ნაგები, თუმცა თავდაპირველად კედლები შირიმის თლილი ქვით ყიფილა მოპირკეთებული. სახურავი ცისფრად მოჭიქული დიდი ზომის კრამიტის ფილებით ყოფილა გადახურული. ტაძარი რამდენიმეჯერ არის აღდგენილი, მისი რეკონსტრუქცია დღემდე მიმდინარეობს. ეკლესია აშენებისთანავე მოუხატავთ, კედლის მხატვრობა აქ დღემდეა შემორჩენილი. ალავერდის კათედრალს XVII-XVIII საუკუნეების გალავანი ევლება გარს. გალავნის ფარგლებშია მოქცეული კახეთში ირანის შაჰის ნაცვალის (1616-1623), ფეიქარ-ხანის სასახლე - ორსართულიანი პალატი, სადაც სატრაპეზო და სამრეკლო ყოფილა. გალავანს გარეთ მრგვალი კოშკებით გამაგრებული აბანოა აგებული. აღმოჩენილია უძველესი ორმოცქვევრიანი მარნის ნაშთები. აღდგენილი მარნის ტერიტორიაზე კვლავ გრძელდება ღვინის დამზადების ტრადიცია. ისხმევა როგორც კახური, ასევე ევროპული ტექნოლოგიით დამზადებული სამონასტრო ღვინო; ფუნქციონირებს ღვინის მცირე ქარხანა.
ალავერდის ტაძართან უამრავი ისტორიული ფაქტია დაკავშირებული. XI საუკუნიდან იგი საეპისკოპოსო ცენტრი და კახეთის მეფეთა საძვლე იყო. ალავერდი დღესაც საეპისკოპოსო ტაძარია, აღევლინება წირვა-ლოცვა, მიმდინარეობს სამონასტრო ცხოვრება.
ყოველწლიურად სექტემბრის ბოლო კვირას აქ იოსებ ალავერდელისადმი მიძღვნილი დღესასწაული - ალავერდობა იმართება, სადაც დიდძალი ხალხი იყრის თავს არა მხოლოდ კახეთიდან, არამედ მთელი საქართველოდან.
(alaverdis wminda giorgis saxelobis tadzari - kaxeti)
ალავერდის წმინდა გიორგის სახელობის ტაძარი თელავიდან 18 კმ.-ის მანძილზე, ალაზნის ველზე მდებარეობს. ახლანდელი ტაძრის ადგილას უდაბური ტყე იყო, სადაც წარმართული სამლოცველო ყოფილა. VI საუკუნეში სწორედ მის ადგილას დაუარსებია ერთ-ერთ ასურელ მამას - იოსებ
ალავერდელს მონასტერი. საეპისკოპოსო ტაძრის მშენბებლობა საქართველოს გაერთიანებისა და აყვავების ხანას უკავშირდება.
XI საუკუნეში კვირიკე კახთა მეფის მიერ აგებული ეს ტაძარი ერთ-ერთი ყველაზე დიდი და მნიშვნელოვანია საქართველოში. მისი ძირითადი ნაწილები რიყის ქვითაა ნაგები, თუმცა თავდაპირველად კედლები შირიმის თლილი ქვით ყიფილა მოპირკეთებული. სახურავი ცისფრად მოჭიქული დიდი ზომის კრამიტის ფილებით ყოფილა გადახურული. ტაძარი რამდენიმეჯერ არის აღდგენილი, მისი რეკონსტრუქცია დღემდე მიმდინარეობს. ეკლესია აშენებისთანავე მოუხატავთ, კედლის მხატვრობა აქ დღემდეა შემორჩენილი. ალავერდის კათედრალს XVII-XVIII საუკუნეების გალავანი ევლება გარს. გალავნის ფარგლებშია მოქცეული კახეთში ირანის შაჰის ნაცვალის (1616-1623), ფეიქარ-ხანის სასახლე - ორსართულიანი პალატი, სადაც სატრაპეზო და სამრეკლო ყოფილა. გალავანს გარეთ მრგვალი კოშკებით გამაგრებული აბანოა აგებული. აღმოჩენილია უძველესი ორმოცქვევრიანი მარნის ნაშთები. აღდგენილი მარნის ტერიტორიაზე კვლავ გრძელდება ღვინის დამზადების ტრადიცია. ისხმევა როგორც კახური, ასევე ევროპული ტექნოლოგიით დამზადებული სამონასტრო ღვინო; ფუნქციონირებს ღვინის მცირე ქარხანა.
ალავერდის ტაძართან უამრავი ისტორიული ფაქტია დაკავშირებული. XI საუკუნიდან იგი საეპისკოპოსო ცენტრი და კახეთის მეფეთა საძვლე იყო. ალავერდი დღესაც საეპისკოპოსო ტაძარია, აღევლინება წირვა-ლოცვა, მიმდინარეობს სამონასტრო ცხოვრება.
ყოველწლიურად სექტემბრის ბოლო კვირას აქ იოსებ ალავერდელისადმი მიძღვნილი დღესასწაული - ალავერდობა იმართება, სადაც დიდძალი ხალხი იყრის თავს არა მხოლოდ კახეთიდან, არამედ მთელი საქართველოდან.