აბანოთუბანი (თბილისი)
(abanotubani - tbilisi)
აბანოთუბანი. თბილისი ცნობილია თავისი გოგირდოვანი, სამკურნალო თვისებების მქონე წყაროებით. დედაქალაქის დაარსების ლეგენდაც და დედაქალაქის სახელწოდებაც, სწორედ, ბუნებრივად ცხელ გოგირდოვან წყლებთანაა დაკავშირებული.
თბილისი ოდითგანვე სახელგანთქმული იყო თავისი აბანოებით. დღესაც, თანამედროვე ქალაქში, ძველ სეიდაბადში, თავს ისევ იწონებენ XVII-XVIII საუკუნეებში ისლამური არქიტექტურის გავლენით შექმნილი აბანოები. მათი უმრავლესობა, ძირითადად, ბოტანიკური აღმართის დასაწყისშია თავმოყრილი. სწორედ ამიტომ, ამ ადგილს აბანოთუბანს ეძახიან.
თითოეულ ნაგებობას თავისი სახელწოდება აქვს, რომლებიც ან მფლობელთა სახელების, ან აბანოს იერ-სახის მიხედვით ერეკლეს, ბებუთას, მელიქის, მეითრის, გოგილოს, ორბელიანთა, თბილელის, მირზოევის, ხოჯას, გრილ ან ჭრელ აბანოებად იწოდებიან. ამ უკანასკნელს ფასადის ფერადი ჭიქური გამოარჩევს.
თბილისურ ტრადიციებთან ზიარების მსურველთ, დღესაც შეუძლიათ ეწვიონ გოგირდოვან აბანოებს და საკუთარ თავზე გამოსცადონ მექისეს ხელმარჯვეობა.
(abanotubani - tbilisi)
აბანოთუბანი. თბილისი ცნობილია თავისი გოგირდოვანი, სამკურნალო თვისებების მქონე წყაროებით. დედაქალაქის დაარსების ლეგენდაც და დედაქალაქის სახელწოდებაც, სწორედ, ბუნებრივად ცხელ გოგირდოვან წყლებთანაა დაკავშირებული.
თბილისი ოდითგანვე სახელგანთქმული იყო თავისი აბანოებით. დღესაც, თანამედროვე ქალაქში, ძველ სეიდაბადში, თავს ისევ იწონებენ XVII-XVIII საუკუნეებში ისლამური არქიტექტურის გავლენით შექმნილი აბანოები. მათი უმრავლესობა, ძირითადად, ბოტანიკური აღმართის დასაწყისშია თავმოყრილი. სწორედ ამიტომ, ამ ადგილს აბანოთუბანს ეძახიან.
თითოეულ ნაგებობას თავისი სახელწოდება აქვს, რომლებიც ან მფლობელთა სახელების, ან აბანოს იერ-სახის მიხედვით ერეკლეს, ბებუთას, მელიქის, მეითრის, გოგილოს, ორბელიანთა, თბილელის, მირზოევის, ხოჯას, გრილ ან ჭრელ აბანოებად იწოდებიან. ამ უკანასკნელს ფასადის ფერადი ჭიქური გამოარჩევს.
თბილისურ ტრადიციებთან ზიარების მსურველთ, დღესაც შეუძლიათ ეწვიონ გოგირდოვან აბანოებს და საკუთარ თავზე გამოსცადონ მექისეს ხელმარჯვეობა.