ვიანი ბორის

მატკინე, ჯონი!

ადგა, მე რომ შემამჩნია.
ის დაბალი იყო ჩემზე.
გავიფიქრე: "ჯიბეშია!
ჩემს ლოგინში მინდა დღესვე!"
ძლივს მწვდებოდა თუმც მხრებამდე,
კუნთი ესხა – დატკბებოდი…
მივიტყუე ლოგინამდე
და შევკივლე: "გიჟო, მოდი!"

"მატკინე, ჯონი, ჯონი, ჯონი!
მფრინავ რაშზე შემსვი!
მატკინე, ჯონი, ჯონი, ჯონი!
მძაფრი მიყვარს სექსი!"

საცვალიღა ეცვა ქვედა,
ყვითელი და ლურჯი ფერის,
ბრიყვივით რომ შემომხედა -
ვერ გაეგო ვერაფერი.
მიპასუხა გიჟმა მტკიცედ:
"მე ხომ ბუზსაც ვერას ვატკენ!"
გავწიწმატდი, სილა ვსტკიცე
და მრისხანედ განვუმარტე:

"მატკინე, ჯონი, ჯონი, ჯონი!
ბუზი არ ვარ! გესმის?
მატკინე, ჯონი, ჯონი, ჯონი!
მძაფრი მიყვარს სექსი!"

და მაინც რომ ვერ აღვაგზნე,
მწარედ გაკაპასებულმა
მივუთვალე, ჩვენს ენაზე
რაც კი ლანძღვა არსებულა.
მოექუფრა, უცებ, სახე,
მითხრა: "გეყო აბდაუბდა!
ვინ გგონივარ? მე განახებ
გამოლანძღვა როგორ უნდა!"

"მტკივა! ჯონი, ჯონი, ჯონი!
წიხლს ნუ მირტყამ ფერდში!
მტკივა! ჯონი, ჯონი, ჯონი!
მძულს ასეთი სექსი!"

გადაიცვა ტანსაცმელი,
გაიხურა ცივად კარი,
ჩაირბინა კიბე გრძელი,
დამიტოვა მხარში ბზარი…
ან რა მრჯიდა გიჟთან ვნებით?!
ვზივარ ახლა, როგორც ბრიყვი
დალურჯებულ დუნდულებით...
და არასდროს აღარ ვიტყვი:

"მატკინე, ჯონი, ჯონი, ჯონი !
მფრინავ რაშზე შემსვი!
მატკინე, ჯონი, ჯონი, ჯონი,
მძაფრი მიყვარს სექსი!"