მომავალი ჩვენია, მაგრამ
დემოკრატიულ ქვეყანას ვაშენებთ ოცი წელია,
სახლის ნულიდან აგება, რაღა თქმა უნდა, ძნელია,
შენობა თითქმის მზადაა, სჭირდება მხოლოდ გაგაჯვა,
რა მაგის პასუხია და, მექრთამემ თავზე დაგვა…
ექსპორტ-იმპორტმა იმატა, საქონელბრუნვა გახურდა,
კეთილდღეობის იმედით ყველა პრობლემა გახუნდა,
თუმცა საქონელს საზღვარზე სჭირდება რთული განბაჟვა,
მე კიდევ ერთხელ გახსენებთ – ბიუროკრატმაც დაგვა…
თაობა მოდის ჯანსაღი, გონიერი და ძლიერი,
ამ ქვეყანაში, სულ მალე, არვინ იქნება მშიერი,
თვალსაჩინოა ნაციის სულით და ხორცით გაკაჟვა,
ოღონდ ფაქტია, რომ თავზე ხაზინის ქურდმაც დაგვა…
განა რა გაგვიჭირდება, გვაქვს რესურსები ულევი,
მდინარეები, ტყეები და ტერმინალი “ყულევი”,
თვითონ ამოსჩქეფს “ბორჯომი”, სჭირდება მხოლოდ დაგაზვა,
მაგრამ რად გინდა, გოგრაზე შავმა ბიზნესმაც დაგვა…
აღარ გვსურს თითოკაცობა, ლელოს გავიტანთ ერთობით,
ხან საქეიფოდ ვქუჩდებით, ხან მიტინგებზე ვერთობით,
ვისწავლეთ ერთად დადგომა, ერთიმეორის გაქაჩვა,
თუმც, საკუთარმა სიბრიყვემ ყველაზე მეტი დაგვა…
დემოკრატიულ ქვეყანას ვაშენებთ ოცი წელია,
სახლის ნულიდან აგება, რაღა თქმა უნდა, ძნელია,
შენობა თითქმის მზადაა, სჭირდება მხოლოდ გაგაჯვა,
რა მაგის პასუხია და, მექრთამემ თავზე დაგვა…
ექსპორტ-იმპორტმა იმატა, საქონელბრუნვა გახურდა,
კეთილდღეობის იმედით ყველა პრობლემა გახუნდა,
თუმცა საქონელს საზღვარზე სჭირდება რთული განბაჟვა,
მე კიდევ ერთხელ გახსენებთ – ბიუროკრატმაც დაგვა…
თაობა მოდის ჯანსაღი, გონიერი და ძლიერი,
ამ ქვეყანაში, სულ მალე, არვინ იქნება მშიერი,
თვალსაჩინოა ნაციის სულით და ხორცით გაკაჟვა,
ოღონდ ფაქტია, რომ თავზე ხაზინის ქურდმაც დაგვა…
განა რა გაგვიჭირდება, გვაქვს რესურსები ულევი,
მდინარეები, ტყეები და ტერმინალი “ყულევი”,
თვითონ ამოსჩქეფს “ბორჯომი”, სჭირდება მხოლოდ დაგაზვა,
მაგრამ რად გინდა, გოგრაზე შავმა ბიზნესმაც დაგვა…
აღარ გვსურს თითოკაცობა, ლელოს გავიტანთ ერთობით,
ხან საქეიფოდ ვქუჩდებით, ხან მიტინგებზე ვერთობით,
ვისწავლეთ ერთად დადგომა, ერთიმეორის გაქაჩვა,
თუმც, საკუთარმა სიბრიყვემ ყველაზე მეტი დაგვა…