მორიელი ( ღრიანკალი ) - შემოქმედება და კარიერა

მორიელებს აქვთ სუპერმენის ენერგია და მოქმედება, მაგრამ ამასთან ერთად მათი დაუმორჩილებელი ენერგია და ცეცხლოვანი ტემპერამენტი ხშირად მიმართულია განადგურებისკენ და არა შექმნისაკენ. ნებისმიერ სხვა თანავარსკვლავედში დაბადებულ ადამიანთაგან განსხვავებით, მორიელები სწრაფად და გულისყურით შრომობენ, მაგრამ მათთვის დამახასიათებელია ერთხელ დაწყებული საქმის ჩაშლა მოსალოდნელი შედეგების მიუღებლობის გამო. მორიელებს მათი ქცევისა და მოქმედების სიმართლეში თვითდარწმუნების მიუხედავად არცთუ იშვიათად სტანჯავთ ეჭვი და უნდობლობა საკუთარი შრომის ღირებულებისა და სრულფასოვნებისა. ისინი ეძებენ თავიანთი წამოწყებების მხარდაჭერას და როგორც კი პოულობენ, მთელს შემდგომ საქმიანობას მის დასანგრევად წარმართავენ.
მორიელთაგან ბევრია გატაცებული ხელოვნების ავანგარდისტული ფორმებით. ზოგიერთი მათგანი თავის მონაცემებს სამხედრო და პოლიტიკური კარიერისთვის იყენებს. მორიელებს შორის გვხვდებიან ნიჭიერი ექიმები, ფსიქიატრები და ქირურგები. გულჩახვეულობა და უნარი_ ადვილად და შეუცდომლად გამოიცნოს ადამიანის ქცევის მოტივები, მორიელს ხდის შესანიშნავ საიდუმლო აგენტად. მაგრამ სადაზვერვო და ჯაშუშური საქმიანობის დროსაც კი ისინი ხშირად მოქმედებენ თავიანთი შეხედულებებისა და იდეების თანახმად, ცხოვრებისეული პრინციპების ბოლომდე შენარჩუნებით. ჩვენს დროში მორიელები ხშირად წარმოგვიდგებიან ყველაზე მოულოდნელი და ურთიერთსაწინააღმდეგო იდეების ავტორებად.