სიმღერა თბილისზე
(simgera tbilisze)
ამამღერა ჩემმა თბილის ქალაქმა,
მთაწმინდიდან სიო შემეხმიანა,
ნარიყალამ გადმომხედა ამაყმა
და მეტეხმა გამიღიმა მზიანმა.
რუსთაველზე ჩავიარე ღიღინით,
გალაკტიონს სადაც ხშირად უვლია,
მაისია, საღამოა, სიმშვიდე
და სიცოცხლე ეხლა საამურია.
გაიხსნება ზეცის ყველა სარკმელი,
თვალებს ძილი მიატოვბს ამაღამ,
მეგობრებო აბა რა გაქვთ სათქმელი,
ამამღერა ჩემმა თბილის ქალაქმა.
მუხრან, ერთი ლაზათურად გვითხარი
შენი ლექსის სიბრძნის წყარო მწყურია,
რაც დავკარგეთ აბა ვინ დაგვიბრუნებს,
რაც გაგვაჩნდა ისიც დაკარგულია.
ორთაჭალის ხეივნები მეძახის,
ქალებივით მორცხვად დგანან ვერხვები,
მეიდანზე დევის ტუჩებს დავკოცნი
და ბავშვივით მტკვარში გადავეშვები.
ქართლის დედავ მომაწოდე ფიალა,
გორგასალო დამადევნე მიმინო,
სიყვარულმა გულში ცეცხლად იალა,
მინდა ლექსმაც ამ მტკვარივით იდინოს.
ამამღერა ჩემმა თბილის ქალაქმა,
მთაწმინდიდან სიო შემეხმიანა,
ნარიყალამ გადმომხედა ამაყმა
და მეტეხმა გამიღიმა მზიანმა.