მინიატურები
(miniaturebi)
გაზაფხული
ალუბალს აკოცა ტუჩებში ატამმა,
ლურჯი ცა კუდებით დასერეს მერცხლებმა,
ტყემალი შურისგან გათეთრდა გადაღმა,
სიო კი ჭადართან ალერსით ვერ ცხრება.
ზაფხული
ველებზე თავდახრილ ქარვისფერ თავთუხებს
ხანდახან ეწვევა ყრანტალით ყორანი,
ჭრიჭინას ჭრიჭინში მზე ისე გახელდა,
მდინარეს გულში აქვს გაჩრილი ბორანი.
შემოდგომა
სიმინდებს სიცილში დასცვივდათ კბილები,
წისქვილთან ურემი მივიდა ჭრიალით,
საწნახელს ცხვირიდან წამოსკდა სისხლი და
ჭურში გადაეშვა ზათქით და ღრიალით.
ზამთარი
მთებს დაეფინა თოვლი ჭაღარად,
ბებერი მთვარე ჩავარდა ჭაში,
ქარმა კი ცაცხვი ისე დაღალა,
ღობედან ყვირის შემოვალ სახლში.
(miniaturebi)
გაზაფხული
ალუბალს აკოცა ტუჩებში ატამმა,
ლურჯი ცა კუდებით დასერეს მერცხლებმა,
ტყემალი შურისგან გათეთრდა გადაღმა,
სიო კი ჭადართან ალერსით ვერ ცხრება.
ზაფხული
ველებზე თავდახრილ ქარვისფერ თავთუხებს
ხანდახან ეწვევა ყრანტალით ყორანი,
ჭრიჭინას ჭრიჭინში მზე ისე გახელდა,
მდინარეს გულში აქვს გაჩრილი ბორანი.
შემოდგომა
სიმინდებს სიცილში დასცვივდათ კბილები,
წისქვილთან ურემი მივიდა ჭრიალით,
საწნახელს ცხვირიდან წამოსკდა სისხლი და
ჭურში გადაეშვა ზათქით და ღრიალით.
ზამთარი
მთებს დაეფინა თოვლი ჭაღარად,
ბებერი მთვარე ჩავარდა ჭაში,
ქარმა კი ცაცხვი ისე დაღალა,
ღობედან ყვირის შემოვალ სახლში.