ნოდარ დუმბაძე - ამოდუღდი, მარგალიტო

nodar dumbadze amodugdi martgalio dumbadze nodar sabavshvo leqsi leqsebi bavshvebistvis leqsebi patarebistvis
საქართველოს სიყვარულით ამეტყველდი!
სხვას უმღერო, აგაჟღერე განა მიტომ?
ჩემო ქნარო, მასზე ხოტბით ახავერდდი
და გულიდან ამოდუღდი, მარგალიტო.
მასზე ლოცვით გაიცვითე ყველა ლარი,
ხმა აპკურე ტკბილ შარბათად, დამთრობ ეშხად,
მასზე გქონდეს გაცვეთამდე საუბარი,
გაჩენილო ქართველ მგოსნის აზარფეშად.
საქართველოს სიყვარულით ახავერდდი,
მას უმღერე, რომ მგოსანი მასახელო,
რომ კრებულის ლექსით სავსე ყველა გვერდის
სათაური იყოს მხოლოდ საქართველო.
იყოს მხოლოდ საქართველო და სხვა არა,
განა მისთვის აგაჟღერე, სხვა ადიდო?
ხოტბა უთხარ, ამეტყველდი კვლავ ნარნარად
და გულიდან ამოდუღდი, მარგალიტო.