ნოდარ დუმბაძე - ჰეი, ლოთებო

nodar dumbadze hei lotebo dumbadze nodar sabavshvo leqsi leqsebi bavshvebistvis leqsebi patarebistvis
ვიცი, ვერასდროს ჩამოიხსნით ლოდებს მხრებიდან,
თუმც შავი ღვინო თქვენს თვალებში შავ ფერს აბაცებს,
ჰეი, ლოთებო, ამოფორთხდით სარდაფებიდან,
შეხედეთ ქალაქს, როგორ ბარბაცებს.

აჩრდილებივით სარდაფებში უზიხართ ბოთლებს,
ამშრალებთ ჭიქებს, საოცნებო თქვენი ალაგი.
ვერც კი შეამჩნევთ, როცა თქვენთან შემოაბოტებს
ლანდი ქალაქის.
და მხოლოდ ლანდი... ო, ეს ლანდიც თქვენთვის მთვრალია,
ტრიალებს ყველა, ყოველი და მთელი სამყარო,
დაუბრუნდებით ისევ ღვინოს... ორთქლის გალიას,
რომ გულის შხამი ამ ღვინოსთან ერთად დაღვაროთ.

მაინც ვერასდროს ჩამოიხსნით ლოდებს მხრებიდან,
ვერ გაუსწორებთ ქალაქის ლანდს თვალებს ალმაცერს,
ჰეი, ლოთებო, ამოფორთხდით სარდაფებიდან,
შეხედეთ ქალაქს, არ დამთვრალა, მაინც ბარბაცებს.