ნოდარ დუმბაძე - საქართველო

nodar dumbadze saqartvelo dumbadze nodar sabavshvo leqsi leqsebi bavshvebistvis leqsebi patarebistvis
კასპიის ზღვით წამოსულო ქარავნებო,
მთებო, გზებო, ვიწრო, ფათერაკიანო,
გუბაზის და მითრიდატის ქალაქებო,
მყინვარწვერო, ზამთარ-ზაფხულ ჯანღიანო.
მომიყევით, ვით იბრძოდა საქართველო,
როს თელავდა მონღოლი და ლანგ-თემური,
ვით ბრწყინავდა მზის სხივებზე სასახელო
გორდა ხმალი, თვით მზესავით ანთებული.
აწ საიდან მოდენილა ეს ზღვა ხალხი,
რა უნდოდათ ამ პატარა წალკოტიდან,
რისთვის ეცვა ქართველ დედას მუდამ თალხი,
ხმალს რად ლესდნენ ქართველები ბალღობიდან
სად შეჩერდა კიდობანი გარიყული,
როცა შთანთქა ნიაღვარმა მთა და მდელო,
სად დაირწა ის აკვანი, ვაზით წნული,
სად იშვა და დავაჟკაცდა საქართველო.