ნოდარ დუმბაძე - ბავშვობის სიზმრები

nodar dumbadze bavshvobis sizmrebi dumbadze nodar leqsebi leqsebis krebuli poezia
წევხარ ლოგინში გარინდული და თვალებს ნაბავ,
ხანდახან ძაფი გაუწყდება აზრის დინებას,
დედა კითხულობს ლამაზ წიგნში საოცარ ამბავს,
უსმენ, უსმენ და... ჩაგეძინება.

... აი, მიცურავს იალქანი დაუსაბამოდ,
თვალი იღლება ნაპირიდან ჩვენსკენ ყურებით,
გემის ბაქანზე გვესტუმრება მლაშე საღამო,
მერე დომინოს ვითამაშებთ მეზღვაურები.

მივცურავთ ისევ...
გამოჩნდება ხმელეთი ალბათ...
მოვარდა ტალღა და გემბანი რისხვით დანისლა...
- ადით ანძაზე!
- აფრები დაბლა!
ისმის ბრძანება კაპიტანისა...

იმსხვრევა გემი, -
მშველელი კი არა ჩანს ახლოს,
სიკვდილი დასდევს გზადაკარგულ ხომალდს აჩრდილად.
გვისროლა ტალღამ,
- ვიღუპებით, გვიშველეთ, ხალხო!..
...და ისევ დედამ,
დედის კოცნამ გადაგვარჩინა