ნოდარ დუმბაძე - სოფლელი ძმობილი

nodar dumbadze sofleli dzmobili dumbadze nodar leqsebi leqsebis krebuli poezia
ივნისის წვიმა მწყერისფეხა ბალახს ალურჯებს,
ბიჭი ეზოში ნაწვიმარზე ფრთხილად აბიჯებს,
მეზობლის ბაღში მოიპარავს მწვანე ალუჩას
და ჩემს გოგონას ორღობეში მიიპატიჟებს.
ააგებს წისქვილს, მტრედს მოუყვანს თეთრს და ღუღუნას,
ოღონდ ინატროს მანანამ და რას არ გაუჩენს,
დაუდგამს ოდას, ლაშის ღელეს გადაუწურავს
და ღორჯოების აკიდოთი დაასაჩუქრებს.
გვირგვინს დაუწნავს იებით და იასამნებით,
გააცნობს სოფლის ყველა მურებს, ყველა ბროლიებს,
გულს გაუხარებს დაშანთული ჩალამ-კალმებით
და ჩემს უჩუმრად ფილთა თოფსაც გაასროლიებს.
გადის ზაფხული - ბედნიერი, ალერსიანი...
ქარი სიმღერით შემოდგომის ფურცელს გადაშლის...
დგას ჩემი გოგო ალაგესთან თვალცრემლიანი
და სოფლელ ძმობილს იპატიჟებს დედაქალაქში.