ნოდარ დუმბაძე - მამუკა (საბავშვო ლექსი)

nodar dumbadze mamuka dumbadze nodar sabavshvo leqsi leqsebi bavshvebistvis leqsebi patarebistvis
გადაიგრიხა მამუკამ
სიმინდის ფოჩის ულვაში,
თოფისწამალი ჩაყარა
თავის ხელთოფას ლულაში,
ჯოხის მერანზე გადაჯდა,
დასცხო ბუკი და ნაღარა,
ოჩანი ცხენის არ იყოს,
ტყუპად ტლინკებიც აყარა.
თავზე დაესხა ბოჩოლას,
აკუწა მკვახე კვახები.
_ ბიჭო, მამუკა, დაწყნარდი,
იცოდე, გაილახები!
არ დაიშალა მამუკამ
ხმლისა და თოფის ტრიალი,
ახლა მურიას მივარდა
ყიჟინითა და ღრიალით.
მურამ უთმინა, უთმინა,
კუდიც კი გაუქიცინა,
სულ მთლად რომ თავზე
დააჯდა,
ბოლოს მურამაც იწყინა,
შემოახია შარვალი,
მერე ისეთი იფრინა...
შარვალჩახდილი რომ ნახა,
დაწვა და ბევრი იცინა