ქრისტე მოდის, ქრისტე მოდის
გაიგონე ქიტესა,
ყველამ ერთად თეთრი ჯვარი
დავახვედროთ ქრისტესა.
მე ვარ ქვა, ქვა იასპისა.
ჩვენ ღვთისმშობლის ქვეყანა ვართ
ღვთის რჩეულნი რომ ვიყოთ,
ზნეობრივი ომი ყველამ
ერთად უნდა მოვიგოთ.
მე ვარ ქვა, ქვა იასპისა.
ქრისტეანნო გაიგონეთ
იფხიზლეთ არ გეძინოთ,
ქრისტეს ღვთისმშობლის სახელზე
რომ ღირსება შევწიროთ.
მე ვარ ქვა, ქვა იასპისა
ქრისტემ ყველა შეგვიყვარა
გზას ქრისტესკენ მივყავდეთ,
სიძულვილი დაივიწყეთ
ერთმანეთი გიყვარდეთ,
მტრობა–შური მოიცილეთ
ღვთის ხატება გიყვარდეთ.
მე ვარ ქვა, ქვა იასპისა.
...შენს მახლობლად კაცი ცხოვრობს
ფიქრობ გადამთიელია,
ლუკმა–პური მიაწოდე
ქრისტე იქნებ მშიერია.
მე ვარ ქვა, ქვა იასპისა.
ანგარებას ნუ აჰყვები
ნუ ებმები მახეში,
ქვებს ნუ ისვრი საყვარელო
ქრისტეს ხვდება სახეში.
მე ვარ ქვა, ქვა იასპისა.
ვინმეს სცივა? – ქრისტეს სცივა
მშიერია? – ქრისტეს შია,
არ აწამოთ, არ დასტანჯოთ
ქრისტე საპყრობილეშია.
მე ვარ ქვა, ქვა იასპისა.
ზოგი ,,სალხინოშია,, და
ზოგი ,,სალაღობოშია“,
ექიმებო მოუარეთ
ქრისტე საავადმყოფოშია.
მე ვარ ქვა, ქვა იასპისა.
გემრიელად დაპურება
ღარიბებსაც უნდოდათ,
ფული თუ გაქვს, საყვარელო
უწილადე უპოვართ.
მე ვარ ქვა, ქვა იასპისა.
ყველა იქით წამსვლელია,
ყველა სოფლის მდგმურია,
მდგმურს ჭიქა წყალი უბოძე
ქრისტეს იქნებ სწყურია...
მე ვარ ქვა, ქვა იასპისა.
ქრისტემ ყველა შეგვიყვარა
გზას ქრისტესკენ მივყავდეთ
სიძულვილი დაივიწყეთ,
ღვთისხატება გიყვარდეთ.
მე ვარ ქვა, ქვა იასპისა.
ქრისტე მოდის, ქრისტე მოდის
გაიგონე ქიტესა,
ყველამ ერთად თეთრი ჯვარი
დავახვედროთ ქრისტესა.
მე ვარ ქვა, ქვა იასპისა.
ჩვენ ღვთისმშობლის ქვეყანა ვართ,
ქრისტეს ერი რომ ვიყოთ,
ზნეობრივი ომი ყველამ
ერთად უნდა მოვიგოთ.
მე ვარ ქვა, ქვა იასპისა.
მე ვარ ქვა, ქვა იასპისა.
2012 წელი 04 სექტემბერი
ცოდვილი მხევალი ღვთისა
თინათინი.