სასწაული რამაა და ღვთიური დიდება
ცივ ამინდში უეცრად ფერთა გამოღვიძება,
დავინახე ფარული სილამაზე ალვისა
შვენებოდა სინაზე ტანწერწეტა ქალისა.
ტირიფებმა უეცრად გაიცვინეს ფოთლები,
სალტეები ჰკიდიატ ისე როგორც ობლები,
ჭადარი კი ჯიუტად ვერ ელევა მწვანე ფერს
თითქოს თავის მეფობას უცხადებსო ყველა ხეს,
აკაცია ზაფხულში შეელია ყვავილებს
ახლა წვრილი ფოთლებით მხოლოდ სურათს არბილებს,
და ვან-გოგის ყვითელით სჭარბობს ახლა ფერები,
მეც ამ ფერთა სიუხვეს თვალებით ვეფერები...
2000წ.