ანა კალანდაძე - იყალთოში

⏱️ 1 წთ. 👁️ 7

100%

აქ სიჩუმეა, მზე და სიჩუმე
გულთამკოდავი,
მაღლა, ხის წვერზე სადღაც ხმაურობს
ჭრელი კოდალა...
მზე კაშკაშებს და... გადიშრიალეს
შავთა ღამეთა...
ალაზნის ველზე ნათლის სვეტივით
დგას ალავერდი...
და, როგორც ტყეთა მოუსვენარი
სული, მშფოთავი,
სადღაც ხმაურობს,
სადღაც ქოთქოთებს
ჭრელი კოდალა.

1956.

Facebook

ანა კალანდაძე - იყალთოში

დატოვე კომენტარი

გაუზიარე აზრი სხვებს!