ზვიად კეჭაყმაძე - ვნატრობ, გადავიქცე წვიმად

ვნატრობ,
გადავიქცე წვიმად...
ღრუბლებს,
ავედევნო გზაში...
მინდა მოგეპარო, ფრთხილად...
და.,
სულ დაგასველო, წამში...

მინდა,
დამათენო დილა...
და მზე,
უსაშველოდ მწვავდეს...
ღრუბელს,
გამოვექცე წვიმად...
და შენს ბაგეებთან დავდნე...

მე მზე,
გამიღვიძებს დილას...
ტუჩებს დაგიკოცნი, ნამით...
მოვალ,
მონატრებულ წვიმად...
და თმებს დაგისველებ, წამით...

გნატრობ,
მენატრები, ახლა...
დილას შევაგებე წვიმა...
ვიცი...
შენ, უდროოდ წახვალ...
მე კი... შემატოვებ დილას...

მღერის,
მონატრება სულში...
ჩემს გულს, უშენობით, ცივა...
მე მზე....
მივატოვე გუშინ...
ტანზე შემოვისხი წვიმა...

ვიცი,
დაგაბრუნებს ბოლოს...
გული,
არ დაიშლის წადილს...
ერთხელ მაკოცნინე მხოლოდ...
მერე მიმატოვე, წადი...

ზვიად კეჭაყმაძე