მაგრამ სხვა არის სიყვარული უკანასკნელი

მე სიყვარული თაფლით სავსე სკის რიგს მაგონებს.
ყველა ტკბილია , წინაცა და უკანა სკებიც.
ხოლო ეს სკები წელთა რიგის ჰგვანან ვაგონებს....
"მაგრამ სხვა არის სიყვარული უკანასკნელი".

მაშინ რა არის სიყვარული? თუ ის არ უხმობს
ყმაწვილურ ვნებებს და სიგიჟეს თავის ნასკვებით.
ორი სხეულის და გონების თამაში უხმო.....
"მაგრამ სხვა არის სიყვარული უკანასკნელი".

გავკადნიერდი. დავესესხე გალას სიტყვები.
თავზე დამყურებს მზის სამყარო, თაღი ზესკნელის.
მიდიან წლები- თაფლის სკები და მეც მივყვები...
"მაგრამ სხვა არის სიყვარული უკანასკნელი".

P.S.
"როგორც ყვავილი შემოდგომის, ხშირად, პირველს სჯობს"

ალეკო ჩინჩალაძე. 13. 01. 15.[/center]