ქეთი ალასანია - მინდა დაგივიწყო, მაგრამ ჯერ ვხვდები

მინდა დაგივიწყო, მაგრამ ჯერ ვხვდები,
დუმილში დაკარგულ სიყვარულს რა ვუყო?
ან კი ის ოცნება, რასაც შენ გჩუქნიდი,
წარსულად ქცეულ წამს რა გულით გავუყო?
გეყოფა დუმილი, რაიმე მითხარი,
ეცადე, რომ ერთხელ, ამ გულსაც გაუგო,
კელაპტრად ანთებულ სიყვარულს გჩუქნიდი,
რომელსაც ცხოვრებამ ხაფანგი დაუგო,
უსაზღვრო ლოდინი იმედსაც სცოდნია
და ვცდილობ მომავალს კარები გავუღო,
მსურს ზეცის კარიბჭეს სულით რომ შევეხო,
ახდენილ ოცნებას სამრეკლო ავუგო,
შენგან არ გავრბივარ, უბრალოდ მინდა, რომ
ცხოვრებას ნაბიჯი, იმედით, ავუწყო
და ის სიყვარული, შენ რომ უარყავი,
ვისაც ვეყვარები, იმას რომ გავუყო...

25.07.15.

ქეთი ალასანია