შილერი - Shiler
⏱️ 1 წთ.
👁️ 4
100%
ჭეშმარიტება არ იჩაგრება იმით, რომ ვიღაცა მას არ იზიარებს.
ვისაც არ ძალუძს, რომ დაიცვას მშვენიერება, ის ტრფობის ჯილდოს ვერასდროს დაიმსახურებს.
უკვე მოსული მწუხარება უფრო ასატანია, ვიდრე მოსალოდნელი.
სამყაროს მართავენ სიყვარული და შიმშილი.
სინდისივით სასტიკი ხარ, ჩემს შეცდომებს ანგარიშობ
და მიყვარხარ ამიტომაც, ვით სინდისი საკუთარი.
სირცხვილი ერს, თუ რაიმე ენანება,
რომ შესწიროს მანვე თავის ძველ ღირსებას!
რაც ვიწროა წრე, მით უფრო ვიწრო აზრი გვდევს
რაც მაღლაა მისწრაფება, მით მაღლა ვართ ჩვენც.
ბრძენთა სიბრძნე რასაც ვერა სწვდება
იმას ახდენს მიამიტი ბავშვი.
მშვენიერებას ვინც ვერ დაიცავს
არ არის მისი საჩუქრის ღირსი.
ბედნიერ კაცს რომ ვუყურებ, მე ვივიწყებ ციურ ღმერთებს,
მაგრამ ყველა თვალწინ მიდგას, როცა ვხედავ დაღდასმულებს.
ადიდეთ მთელი! მე კი მხოლოდ ნაწილს ვაფასებ,
მხოლოდ ნაწილში შემიძლია ხილვა მთლიანის.
მხოლოდ იმ კანონს ვაღიარებ, რაც აზროვნებას
თავისუფლებას მიანიჭებს, კი არ შებოჭავს.
კეთილი საქმით კაცობრიობის ღვთიურ ნერგსა რწყავ
მშვენიერების შექმნით თესავ ღვთაებრივ მარცვალს.
თუ გაქვს რამე, მომეცი და შენ მიიღე საფასური
და თუ თვითონ რაიმე ხარ, შევაერთოთ სულთან სული.
რა ვიქნებოდი მე უშენოდ, არ ვიცი, მაგრამ
ვხედავ ათასებს, რაც არიან, და გული მტკივა.
სხვას ნურავის ემსგავსები, ჰგავდეს ყველა უზენაესს
რანაირად? იყოს ყველა სრულყოფილი თავისთავად.
გსურს შეიცნო თავი შენი? – ნახე სხვათა მოქმედება;
და თუ სხვათა შეცნობა გსურს, ჯერ შენ გულში ჩაიხედე.
რატომ უჭირთ შეთანხმება გენიას და გემოვნებას?
იმას ძალის ეშინია, ეს კი ლაგამს ერიდება.
ვინც საკუთარ გულსა სძლია, დიდია და ვაქებ გმირსა
თავის გულით ვინც იმარჯვებს, მას ვადიდებ კიდევ მეტად.
შუალედობა ყველა მტერზე უარესია
ის შენს შეცდომებს სათნოებად მიიწერს თვითონ.
რაც ბუნებას სჭირდება, იღებს თავისთავადაც
თქვენი ზრუნვა, მამებო, უკვდავებას სჭირდება.
დაცემასაც გაპატიებ, თუ ისწრაფვი, ახალგაზრდავ
ფრთაშესხმული რომ იქნები, არასოდეს დამძიმდები.
მომავლისათვის უცოცხლია მხოლოდ იმ მაშვრალს
თავისი დროის ხალხისათვის ვინც შექმნა ბევრი.
ბედნიერი ხარ, შენმა გონებამ თუ გულში ჰპოვა ბინა–სააფარი.
იყოს კანონი მკაცრი კაცურ სახელმწიფოში,
მაგრამ ზნეობა სულ ზეობდეს ნაზი, ქალური.
ჭეშმარიტი გენია მარად მიამიტია.
ძლიერი კაცი არა ცდილობს წყაროს დაშრეტებას,
რადგან ნაკადი შეუძლია შებოჭოს ძალით.
მხოლოდ მთებშია თავისუფლება.
ჭეშმარიტებას სულ არ აწუხებს, რომ იმას ვინმე არ აღიარებს.
არ მინდა ჰერცოგის წყალობა; მე ნიჭი მაქვს და მოვალეა მარჩინოს.