თუშური ნირვანა
ტერფ მოკირწყლული,
სვია ნაფერები ნატიფ წვივებზე,
გველ მოხვეული ხორციან წელზე
ძუძუს ჩაბჯენილი ხელის ნაკვალევით
კბილით დასერილი ყელ-კისერით
ათჯერ გახეთქილი ბაგეებით
ნატეხ-ნატეხ ფილაქnებში
ჩაძინებული დამტიე.
მზეწვია ფარჩა-კაბებისთვის წახველ
ნამთვარევი.
ქოთან-ყვავილები დაგვირისტებულ სუნდუკში ჩადგი,
თავზე დაგებნია უნდა.
ალისფერ-ბამბუკისფერი ფარდაგები გეგულებოდა
მოგეტანა უნდა.
გასწი ფარდა დაგინახო
რომელ ცაზე ხარ,
მოხველ მეცხრემდე თუ ვერა?
სულდალეული
მოწყურებულმა ჩემი სული დალიე
და ნამიანი ტუჩები მტვრიანი ხელით მოიწმინდე.
ჩემი სულის წვეთები თითებზე ატალახებული
საპნით გადაიბანე.
თითქოს არც არაფერიო ისე გამიქრე სული.
თითები მემტვრევა სილურჯით.
სულის შებერვა უნდა რომ გათბეს
და გათეთრდეს….. .
გული ენაზე მოიხვიე.
ბუშტად გამბერე
და ისე გამხეთქე
თითქოს აღვსდგებოდი.
ძვალზე შემოკრული კანი ცივია.
ვერ გამითბია.
სიცივეს ძილი შევწირე...
არ გამათბო.
სულ დალეული და გამომშრალი
რომ მოგწყურდება რას მოგაწოდებ?
სხვას მიადგები
სხვის სულს იგემებ
წითელი მდინარე
ვწერდი, სანამ აბუჩად აგიგდე და შეგიძულე
მერე გადავწვი ხორბლის მინდვრები
მსუყე თავთავებს დავუსვი ცელი
ძირებს მოვასხი ნავთი და ზეთი
ჩემზე (ანუ შენზე) გულმოსულს სამყარო შევიძულე
და გალაქტიკას ომი გამოვუცხადე
ნაღმად ვიქეცი და ყველა ბედნიერ წყვილთან დავიმალე
ვინც არ გამიფრთხილდა ავუფეთქდი
და შემოვამტვერე გრძნობები ხელში...
ყურძნის თითები ხელში დავწურე და
წითელ მდინარეებად გავუშვი
ყველა ქუჩაზე ყველა რუ შევუერთე და ოკეანედ ვაქციე...
ხეებს ფოთლიანს შემოდგომად ჩავუსაფრდი და
ამოვარდნილ ქარად გავაშიშვლე
მიმოვფანტე და გადავკარგე
წითელ მდინარეს გავატანე...
მე შენთვის ვწერდი სანამ აბუჩად ამიგდე
და ფერფლად მაქციე...
ტერფ მოკირწყლული,
სვია ნაფერები ნატიფ წვივებზე,
გველ მოხვეული ხორციან წელზე
ძუძუს ჩაბჯენილი ხელის ნაკვალევით
კბილით დასერილი ყელ-კისერით
ათჯერ გახეთქილი ბაგეებით
ნატეხ-ნატეხ ფილაქnებში
ჩაძინებული დამტიე.
მზეწვია ფარჩა-კაბებისთვის წახველ
ნამთვარევი.
ქოთან-ყვავილები დაგვირისტებულ სუნდუკში ჩადგი,
თავზე დაგებნია უნდა.
ალისფერ-ბამბუკისფერი ფარდაგები გეგულებოდა
მოგეტანა უნდა.
გასწი ფარდა დაგინახო
რომელ ცაზე ხარ,
მოხველ მეცხრემდე თუ ვერა?
სულდალეული
მოწყურებულმა ჩემი სული დალიე
და ნამიანი ტუჩები მტვრიანი ხელით მოიწმინდე.
ჩემი სულის წვეთები თითებზე ატალახებული
საპნით გადაიბანე.
თითქოს არც არაფერიო ისე გამიქრე სული.
თითები მემტვრევა სილურჯით.
სულის შებერვა უნდა რომ გათბეს
და გათეთრდეს….. .
გული ენაზე მოიხვიე.
ბუშტად გამბერე
და ისე გამხეთქე
თითქოს აღვსდგებოდი.
ძვალზე შემოკრული კანი ცივია.
ვერ გამითბია.
სიცივეს ძილი შევწირე...
არ გამათბო.
სულ დალეული და გამომშრალი
რომ მოგწყურდება რას მოგაწოდებ?
სხვას მიადგები
სხვის სულს იგემებ
წითელი მდინარე
ვწერდი, სანამ აბუჩად აგიგდე და შეგიძულე
მერე გადავწვი ხორბლის მინდვრები
მსუყე თავთავებს დავუსვი ცელი
ძირებს მოვასხი ნავთი და ზეთი
ჩემზე (ანუ შენზე) გულმოსულს სამყარო შევიძულე
და გალაქტიკას ომი გამოვუცხადე
ნაღმად ვიქეცი და ყველა ბედნიერ წყვილთან დავიმალე
ვინც არ გამიფრთხილდა ავუფეთქდი
და შემოვამტვერე გრძნობები ხელში...
ყურძნის თითები ხელში დავწურე და
წითელ მდინარეებად გავუშვი
ყველა ქუჩაზე ყველა რუ შევუერთე და ოკეანედ ვაქციე...
ხეებს ფოთლიანს შემოდგომად ჩავუსაფრდი და
ამოვარდნილ ქარად გავაშიშვლე
მიმოვფანტე და გადავკარგე
წითელ მდინარეს გავატანე...
მე შენთვის ვწერდი სანამ აბუჩად ამიგდე
და ფერფლად მაქციე...