გამოვიკეტე
გამოვიკეტე.
ჩემივე თავი გამოვრიცხე.
ესა მესა, გადის ესაო,
ჩემს თავთან ვთამაშობდი და
ორივეჯერ მე გავვარდი, ლოგიკის წესით,
ფაქტი ჯიუტია.
გამოვიკეტე.
მოვიმარაგე ცრემლები,
რომ დიდხანს მეყოს დაუღვრელად,
თვალი არ დაშრეს,
ან, თუ მაინც გამოსცდება
მუდმივ ბინას – თვალის უპეებს,
ნერწყვს შეუერთდეს
და მისცეს მომლაშო გემო.
გამოვიკეტე.
კეთილი ნებით გამოვრიცხე ჩემივე თავი,
და ვტკბები მორჩილებით.
ალბათ შენამდეც მოაღწევდა
ფოთლების კვამლი,
შემოდგომას რომ ასდის სუნი,
ყოველ წელიწადს,
კვამლის სუნი, ფოთლების სუნი.
და ყოველ ჯერზე უცვლელია ლოგიკის წესი,
ფაქტი ჯიუტია,
ესა მესა, გადის ესაო
და ორივეჯერ მე გავვარდი.
გამოვიკეტე.
ჩემივე თავი გამოვრიცხე.
ესა მესა, გადის ესაო,
ჩემს თავთან ვთამაშობდი და
ორივეჯერ მე გავვარდი, ლოგიკის წესით,
ფაქტი ჯიუტია.
გამოვიკეტე.
მოვიმარაგე ცრემლები,
რომ დიდხანს მეყოს დაუღვრელად,
თვალი არ დაშრეს,
ან, თუ მაინც გამოსცდება
მუდმივ ბინას – თვალის უპეებს,
ნერწყვს შეუერთდეს
და მისცეს მომლაშო გემო.
გამოვიკეტე.
კეთილი ნებით გამოვრიცხე ჩემივე თავი,
და ვტკბები მორჩილებით.
ალბათ შენამდეც მოაღწევდა
ფოთლების კვამლი,
შემოდგომას რომ ასდის სუნი,
ყოველ წელიწადს,
კვამლის სუნი, ფოთლების სუნი.
და ყოველ ჯერზე უცვლელია ლოგიკის წესი,
ფაქტი ჯიუტია,
ესა მესა, გადის ესაო
და ორივეჯერ მე გავვარდი.