ტაბიძე გალაკტიონ - Tabidze Galaktion

⏱️ 1 წთ. 👁️ 1

100%

გალაკტიონ ტაბიძე - Galaktion Tabidze

დროშები ჩქარა

(droshebi chqara)

გათენდა. ცეცხლის მზე აენთო, აცურდა...
დროშები ჩქარა!
თავისუფლება სულს ისე მოსწყურდა,
ვით დაჭრილ ირმების გუნდს - წყარო ანკარა...
დროშები ჩქარა!

დიდება ხალხისთვის წამებულ რაინდებს,
ვინც თავი გასწირა, ვინც სისხლი დაღვარა,
მათ ხსოვნას ქვეყანა სანთლებად აინთებს...
დროშები ჩქარა!

დიდება, ვინც კიდევ გვაბრძოლებს იმედით,
ვინც მედგრად დახვდება მტრის რისხვა-მუქარას...
გათენდა! შეერთდით, შეერთდით, შეერთდით!
დროშები... დროშები... დროშები ჩქარა!

Facebook

ტაბიძე გალაკტიონ - Tabidze Galaktion

დატოვე კომენტარი

გაუზიარე აზრი სხვებს!