მერკური
(მერკურის მონაცემები)
დიამეტრი ეკვატორთან: 4878 კმ
საშუალო მანძილი მზიდან: 57,9 მლნ კმ
ღერძის გარშემო სრული ბრუნვის დრო: 58,6 დღე
სიმკვრივე( წყალი=1 ) : 5.4
მზის გარშემო სრული წრის დრო: 88.0 დღე
მთვარეები: 0
მერკურის ცაზე უზარმაზარი მზე ანათებს. მისი უმოწყალო სხივები კლდოვან ზედაპირს ხვდება და ტემპერატურა 450 გრადუს ცელსიუსამდე იზრდება, რაც ტყვიასაც ადნობს. მზის ჩასვლის შემდეგ კი მზის უახლოეს პლანეტაზე საშინელი სიცივე ისადგურებს.
მერკურზე ტემპერატურის ცვალებადობა სხვა პლანეტებთან შედარებით ყველაზე დიდია. აქ არ არსებობს ატმოსფერო, რომელიც ამ სიმხურვალეს გაუძლებდა.ღამე ზედაპირი –180 გრადუს ცელსიუსამდე ცივდება. მერკურის პოლუსებთან შესაძლოა არსებობდეს ყინული, რომელიც მზისგან ღრმა კრატერებში იმალება.
მერკური საკუთარი ღერძის გარშემო ძალიან ნელა ბრუნავს. ამას უცნაური შედეგი აქვს. მზის ამოსვლიდან მეორედ ამოსვლამდე მერკური მზის გარშემო ორ წრეს ასრულებს, რასაც 176 დედამიწის დღეს ანდომებს. შესაბამისად, დღეებიც და ღამეებიც ძალიან გრძელია და ტემპერატურებიც სწორედ ამიტომაა ასეთი უკიდურესი.
×