იმედი (imedi)
იცი რას ნიშნავს იმედის დაკარგვა, იმედი სხვადასხვანაირი არსებობს... მე ცხოვრების, სიცოცხლის იმედს ვგულისხმობ...ჰო, მოვიდა ეს იმედი და მერე ისევ წავიდა... უკვალოდ გაქრა... ის მან თვალცრემლიანმა გააცილა... როდესაც შუა ქალაქში ატირებული, გულზე თოჯინამიხუტებული მოდიხარ და საკუთარ თავს არ პატიობ იმას, რომ ხალხს შენს სისუსტეს აჩვენებ...როცა გამვლელები გაოცებულ მზერას გაყოლებენ, როცა მუნჯი გამყიდველის თვალებში იმხელა სიბრალულსა და ტკივილს დაინახავ, რომ საკუთარი თავი სიძულვილამდე შეგეცოდება...როცა როცა აკანკალებულ ხელებში სიგარეტს ვერ იმორჩილებ, როცა კიბეზე ჩამომჯდარს რამოდენიმე ბიჭი გამოგელაპარაკება და გთხოვენ, რომ მისი სახელი უთხრა ვინც გაგაბრაზა... როცა მათ აკვირვებთ თოჯინა, ხოლო შენ-ამდენი უაზრობა და იარაღს ნატრობ, რომ გაუსწორდე ყველას, ნაცნობს და უცნობს...როცა რამდენიმე დღის შემდეგ შემთხვევით შეგხვდება ერთ-ერთი იმ ბიჭთაგანი, რომელიც შენს დამშვიდებას ცდილობდა იმ საღამოს, მოგიახლოვდება, შენს წინ დაიჩოქებს, ხელებს დაგიჭერს, თავს ჩაღუნავს და მადლობას გეტყვის, რომ შენ სიკვდილს გადაარჩინე! როცა ის ყულფში თავს ყოფდა, გაახსენდა რომ შენ გჭირდებოდა დახმარება და სხვებსაც... და გადაიფიქრა, იმიტომ რომ ასეთ ხალხს დახმარებოდა! მაშინ შემც ტირი...ისიც ტირის...ტირიან გამვლელებიც...ღმერთიც ტირის...ეს სიხარულის და იმედის ცრემლებია......