წვიმს...
⏱️ 1 წთ.
👁️ 4
100%
ციდან წვიმს და სულში მაწვიმს... ნერვებზე უკრავენ წვიმის წვეთები და უჟმურ გამოხედვას ახატავენ ჩემს სახეს... წვიმს... წვიმს... საწყლად ასკდებიან ფანჯრის მინას წვიმის წვეთები... და ... ეს, ცრემლებს გავს, ღაწვებზე დადენილს... ფანჯრის რაფაზე კვდებიან წვეთები, როგორც ცრემლები ტუჩის კუთხეებში... წვიმს... წვიმს... და თითქოს არ მინდა ამ ცას ვხედავდე... ვხუჭავ თვალებს და... არ ვხედავ წვიმას... მაგრამ, წვიმს... წვიმს და წვიმის წვეთები წამწამებზე მეკიდებიან... ქუთუთოებს მიმძიმებენ... არც მათ სურთ, თვალები გავახილო... მე არ ვხედავ წვიმას... მაგრამ ვგრძნობ ჩემს სულში და ჩემს წამწამებზე მობუზულ ცივ, პაწაწინა წვიმის წვეთებს, ასეთ უჟმურ გამოხედვას რომ ახატავენ ჩემს სახეს...