ინდაურის საცივი აჭარულად (ცივი კერძები)

საჭირო ინგრედიენტები:

ინდაური
ხახვი - 400 გრამი
ნიგოზი - 4 ჩაის ჭიქა
კვერცხი - 3 ცალი
ნიორი, წიწაკა, ხმელი სუნელი, მარილი - გემოვნებით

მომზადების წესი:

გასუფთავებული, გარეცხილი ინდაური მოვათავსოთ ქვაბში და მთლიანად მოვხარშოთ. ნახარშს მოვხადოთ ცხიმი და ამ ცხიმში მოვშუშოთ წვრილად დაჭრილი ხახვი. ცალკე დავნაყოთ ნიგოზი, ჩავალესოთ კვერცხის გული (ვლესოთ კარგა ხანს). შემდეგ ამაშივე ავურიოთ კარგად დანაყილი ხმელი სუნელი, ნიორი, წიწაკა და გავხსნათ ინდაურის ნახარშში. მოხარშულ ინდაურს მოვაყაროთ მარილი, გავაცივოთ, დავჭრათ და მოვასხათ გამზადებული, გაციებული წვენი.

გემრიელად მიირთვით!