ინგრედიენტი:
ღორის ხორცი - 1 კგ. შეიძლება ძროხის და ღორის ხორცის არევა 40-60 %-ით;
ხახვი - 600 გრ;
ბროწეული - გემოვნებით, დაახლოებით 1 დიდი თავი;
წიწაკა, მარილი ხმელი ქინძი
ქონდარი - ცოტა, სურვილის შემთხვევაში;
ბადე-ქონი - საკმარისი რაოდენობის (2 ღორის). თითო აფხაზურს 2-ჯერ უნდა შემოეხვიოს კარგად გაშლილ მდგომარეობაში;
ხორცაკეპი მანქანა, ქვაბი, შესაწვავი ტაფა.
მომზადების წესი:
გაატარეთ ხორცი და ხახვი;
შეკაზეთ სუნელებით და ბროწეულით;
გადაახვიეთ ბადე-ქონში. აიღეთ ბადე-ქონი, გაწელეთ და დაიდევით ხელის გულზე, ზემოდან დაადევით ხორცის ამოგუნდავებული ბურთულა (ხელის გული რომ გაავსოს ისე) და გაახვიეთ ბადე-ქონი ზემოდან. ზედმეტი მოაჭერით დანით ან მაკრატლით;
ჩაალაგეთ ქვაბში ან თასში და შედგით მაცივარში რამდენიმე საათით მაინც. შეგიძლიათ მოამზადოთ წინა დღეს და შეწვათ სუფრაზე მიტანის წინ;
სუფრაზე „მიდის“ ცხელი. შეწვისათვის გააცხელეთ ტაფა და ზეთი, დააწყვეთ აფხაზურები და შეწვით. შეწვის წესები მსგავსია კატლეტის შეწვის ტექნოლოგიის;
სუფრაზე მიტანის წინ, შეგიძლიათ მოაყაროთ ახალ დარჩეული ბოწეული.
როგორც წესი, ქართულ სუფრაზე აფხაზურა მიაქვთ შუა ტრაპეზის დროს, არაძირითად ცხელ კერძად. აღმოსავლეთ საქართველოში ამზადებენ ცხვრის ხორცითაც (ღორის ნაცვლად).
×