გვიანდელი შუა საუკუნეებიდან 1918 წლამდე დამოუკიდებელი სამეფო იყო. შემდეგ იუგოსლავიის სხვადასხვა ფორმის ინკარნაციებისა და ყველაზე გვიან სერბიისა და მონტენეგროს კავშირის წევრი იყო. 2006 წლის 21 მაისის რეფერენდუმის შედეგების მიხედვით ჩერნოგორიამ 2006 წლის 3 ივნისს დამოუკიდებლობა გამოაცხადა.
მონტენეგრო, თუ ჩერნოგორია
არსებობს ორი ფორმა: ჩერნოგორია და მონტენეგრო. სახელი ჩერნოგორია ქართულში რუსული ენის შუალობითაა შემოსული და დამკვიდრებული.
ოდესღაც იუგოსლავიის ამ ერთ-ერთ მხარეს ევროპის არასლავურ ქვეყნებში „მონტენეგროდ“ იცნობენ და მოიხსენიებენ, რაც ამ სახელის მხოლოდ ლათინიზებულ თარგმანს წარმოადგენს.
პოლიტიკური კორექტულობის გამო დღეს ბევრი ჩერნოგორიის ნაცვლად ქართულშიც ფორმა მონტენეგროს გამოყენებას ამჯობინებს, რადგან თუ მას უშუალოდ სერბულ-ხორვატულიდან გადმოიტანდნენ, მაშინ უნდა ყოფილიყო არა რუსულად მჟღერი "ჩერნოგორია", არამედ "ცრნაგორა", ანდა "ცრნაგორია".