ეროვნული: Slovensko; Slovenska Republika.
ეტიმოლოგია: სახელწოდება სლავურ ენაზე ითარგმნება როგორც ”სიტყვა” (შდრ. რუსული слово)ან ”დიდება” (შდრ. რუსული слава.)
ქვეყანა მდებარეობს ცენტრალურ ევროპაში. მისი მოსაზღვრე ქვეყნებია: ჩეხეთი, პოლონეთი, უკრაინა, უნგრეთი, ავსტრია. ფართობი - 49.035 კვ.კმ.
სახელმწიფო
სახელმწიფო სისტემა: დემოკრატიული რესპუბლიკა.
სახელმწიფოს მეთაური: პრეზიდენტი ივან გაშპაროვიჩი.
მთავრობის მეთაური: პრემიერ-მინისტრი.
საკანონმდებლო ორგანო: ერთპალატიანი პარლამენტი (150 წევრი).
ადმინისტრაციული დაყოფა: 8 რეგიონი (kraj).
დემოგრაფია
მოსახლეობა - 5.380.000 (2003), მათ შორის 85,7% სლოვაკები, 10,6% უნგრელები, 1,6% ბოშები.
სახელმწიფო ენა: სლოვაკური. გავრცელებული ენები : უნგრული.
რელიგია - კათოლიციზმი.
დედაქალაქი - ბრატისლავა (428 ათასი).
ქალაქები - კოშიცე (234), ნიტრა (87), ჟილინა (85), პრეშოვი (92).
ეკონომიკა
რესურსები - მურა ნახშირი; რკინის მადნის, სპილენძის და მანგანუმის მცირე მადანი; მარილი; სასოფლო-სამეურნეო მიწები.
ექსპორტი - რკინის მადანი, ქიმიკატები, ნავთობპროდუქტები, იარაღი.
ბიუჯეტი - 5,200 მლნ $.
ეროვნული შემოსავალი ერთ სულზე - 3.950 $.
ვალუტა - სლოვაკური კრონა (SKK);
ისტორია
1993 წელს ყოფილი ჩეხოსლოვაკია მშვიდობიანად გაიყო ორ დამოუკიდებელ სახელმწიფოდ - ჩეხეთის რესპუბლიკად და სლოვაკეთის რესპუბლიკად. მეჩიარის მთავრობამ მიიღო რეფორმების პროგრამა და აიღო კურსი ევროკავშირსა და ნატოში ინტეგრაციაზე. გარდამავალი პერიოდი ქვეყნისთვის მძიმე გამოდგა - პრივატიზაციის პროცესმა გაზარდა უმუშევართა რიცხვი, რომელიც ახლაც 20%-ს შეადგენს. სლოვაკეთში მწვავედ დგას ეთნიკური უმცირესობების საკითხი - უნგრელები პოლიტიკური პრობლემების გადაწყვეტას ითხოვენ, ბოშები - სოციალურისა. 2004 წელს სლოვაკეთი ევროკავშირის წევრი გახდა.