me tvalebs davxuchav
მე თვალებს დავხუჭავ და ისე გიამბობ,
რომ ქარის კბილებში ნასრეს და დაღეჭილ
ოთახის სიბნელეს სურვილით ავავსებ,
რომ შენი ღიმილის პატარა ნაგლეჯი
მკრთალი სანთელივით ჩაიწვა რაფაზე.
რომ ლურჯი ღრუბლები ბეჯითად ხატავენ
გაყინულ ზეცაში უცნაურ ასოებს,
რომ ისევ სიჩუმეს უპყრია სადავე
და ქარი ატირებს ბნელ სადარბაზოებს,
რომ ასე სუსტი და ასეთი უძლური
საკუთარ ოცნებას გიჟივით ვაქეზებ,
რომ ახლაც ოთახში
ვზივარ მობუზული
და ახლაც დაორთქლილ მინებზე დაგეძებ...
რომ ისევ ღამეა და ალბათ, ადრეა,
რომ შემომილეწოს თვალები სინათლემ,
რომ სადღაც გავრბივარ
და შენს მონატრებას
მშიერი მხეცივით
კბილებით მივათრევ...
მე თვალებს დავხუჭავ და ისე გიამბობ,
რომ ქარის კბილებში ნასრეს და დაღეჭილ
ოთახის სიბნელეს სურვილით ავავსებ,
რომ შენი ღიმილის პატარა ნაგლეჯი
მკრთალი სანთელივით ჩაიწვა რაფაზე.
რომ ლურჯი ღრუბლები ბეჯითად ხატავენ
გაყინულ ზეცაში უცნაურ ასოებს,
რომ ისევ სიჩუმეს უპყრია სადავე
და ქარი ატირებს ბნელ სადარბაზოებს,
რომ ასე სუსტი და ასეთი უძლური
საკუთარ ოცნებას გიჟივით ვაქეზებ,
რომ ახლაც ოთახში
ვზივარ მობუზული
და ახლაც დაორთქლილ მინებზე დაგეძებ...
რომ ისევ ღამეა და ალბათ, ადრეა,
რომ შემომილეწოს თვალები სინათლემ,
რომ სადღაც გავრბივარ
და შენს მონატრებას
მშიერი მხეცივით
კბილებით მივათრევ...