მიყვარხარ !!!

miyvarxar
აქ ყველაფერი, რასაც შენი შეეხო ხელი-
ქცეულა რწმენად.
ყველა მათგანში საშობაო ანთია ცვილი,
ყველა სანთელში ჩემი სული იწვის თანაბრად
და იბადება ციურ ალთა სიმხურვალეში
გულთამხილავი სიტყვა: - მიყვარხარ!
მიყვარხარ როცა გონი- ტყვეა, სუნთქვა უმწეო,
და კრთის თვალებში ჭირვეული მთვარის ნათელი,
როცა ახლოა ფოთოლცვენა და მარტოობა- აუტანელი,
როგორც შიში და ჟრუანტელი.
მიყვარხარ, როცა წინ ზვავია, უკან- მეწყერი
და ფიქრი შავი არტახებით არის შეკრული,
როცა ეშვება ცეცხლის წვიმა ციდან მიწაზე
და ფეხშიშველი უკანასკნელ აღმართს მივყვები...