შეშლილი ბოროტი სამყარო

sheshlili boroti samyaro
სადღაც ვკვდებოდი, სადღაც ვდნებოდი
ვიტანჯებოდი,ვიკაწრებოდი
სადღაც სევდიანს ისევ მელოდი,
ცრემლით თვალებზე ვიფანტებოდი.

მაწვა ნისლები გზაზე მიმავალს
და თან სურვილით გული ამევსო
მაშინ კი მივხვდი ღმერთო იმ მთავარს,
რომ მე ცხოვრება ცოდვით გამევსო.

მდუმარე იყო ირგვლივ გარემო
წყვდიადმა შთანთქა ყველა ცოცხალი
მოდი და მითხარ ერთი სიმართლე
ტყუილს ყოველთვის ჯობნის მართალი.

ზვირთები ზღვაში შლიან ნაპრალებს
სხვას მარტოობას რომ დააბრალებს
დღეები ტოვებს მუდამ ნაკვალებს
ეს უსასრულო ფიქრი მაწვალებს.

მუდამ ვრცელდება უსასრულობა
და ეს ცხოვრების არის მიზანი
კვლავ სიყვარული ძალა ერთობის
მას ვერ აჯობებს მკვლელი,მისანი.

კაცობრიობა კარგავს ოცნებას
ყვებიან უკვე ერთურთის ვნებას
მე შენ ჩაგიკრავ და მოგცემ ნებას
ერთად შევიგრძნობთ ორივე შვებას.