მე ჩემს სიყვარულს ირგვლის მოგახვევ

me chems siyvaruls irgvliv mogaxvev
მზერა გამჭოლი, თვალების სუსხი,
შეხების თრთოლვა, ვნებათა ცეცხლი,
ზაფხულის ცხელი საღამოს ბინდი,
და ზღვის ტალღები ფერების ჩრდილში.

მოგეფერები მოგიხმობ ჩემთან,
მთვარის წიაღში ლექს მოგიყვები,
მივალ მე უხმოდ მიჯნურთა ღმერთთან,
ფრთხილად ტუჩებზე ვეამბორები.

გეამბორები როგორც ღვინის თასს,
დამათრობელს და გამაბრუებელს,
თავდავიწყებით შევსვამ შენს სურნელს,
ვიგრძნობ ცის ლაჟვარდს გამაოგნებელს.

შენ იქ იქნები, ზღვის გასწვრივ მარტო,
ქარის ფერებით თმა აბნეული,
ვერ მოგშორდები, ძვირფასო, კარგო,
და შენს ალერსში ჩავიძირები.

და შენს ალერსში, გრძნობის მორევში,
მე ჩაძირული ხელს არ გავარხევ,
ვნების ღელვაში, გულთა გრიალში,
მე ჩემს სიყვარულს ირგვლის მოგახვევ.