მოვიძიებ პირველცოდვის ფესვებს

mividzieb pirvelcodvis fesvebs
მოვიძიებ პირველცოდვის ფესვებს
ცოდნის ნაყოფს ვჭამ ცნობადის ხიდან...
სიღრმეებში სიმაღლეებს ვეძებ,
სიმაღლეში სიღრმეებსაც ვხედავ.

მერე, ღირდა ამ ცოდნისთვის ცოდვაი
დრო დამიხვდა ცოდო-მადლის ხონჩით ...
-წუთისოფლურ ჭკუას თუ არ მოკლავ
მაშინ ხდები საზარბაზნე ხორცი.

ჯერ ტკივილმა უნდა გცეცხლოს ძარღვში.
უნდა განვლო სამართებლის პირზე,
ჯვარცმით უნდა მოიპოვო ფასი
რომ შეიმცნო ჭეშმარიტი სიბრძნე!

ტვირთმძიმეა დასანთხევად ერთობ
ჩვენთა შვილთა სისხლისფერი ცრემლი...
პირველ ცოდვა მომიტევე ღმერთო
ისევ შენში გაცოცხლებას ველი!