ღმერთმა რომ შექმნა სამყარო

ღmertma rom sheqmna samyaro
ღმერთმა რომ შექმნა სამყარო
და ყველაფერი დახატა,მერე მან წიგნი აიღო
და სახელები ჩაქარგა,
შენს სახელს ქვემოდ ლამაზად
ჩემი სახელი მოჩანდა,
სახელებს შორის ვარდებით
მან ჩვენი გზები მოფანტა,
ჩვენც გავიარეთ ამ გზებზე,
აქ გაგიცანი,აქ შეგხვდი,
ამ ვარდის ფურცლებს დავდევდი,
რომ დაგინახე და შევკრთი,
შენმა თვალებმა იმ დღიდან
მოძებნეს ბინა ჩემს გულში,
შენმა ცხოვრებამ იმ ხნიდან
დაისადგურა ჩემს სულში,
ასე გავიდა დღეები,
ჩვენ ერთად ბევრი ვიხარეთ,
ვარდის ფურცლების სურნელით,
დავბრუვდით,გადავიღალეთ,
მერე ჩამოწვა წყვდიადი,
კარზე მოგვადგა სიბერე,
მე რომ მოვკვდები შენს გულში,
შემოიჭრება სიბნელე,
შემოიჭრება მალულად
და მარტოობით დაგტანჯავს,
შენ ჩემსკენ გამოიქცევი
და გზაში ვარდებს დაფანტავ.