მკაცრი ზამთარი

sciva fotols totsac sciva
სცივა ფოთოლს, ტოტსაც სცივა,
ტირის ზეცა, ცრემლი სცვივა,
დასისინებს ხეთა მწკრივში,
იწვევს კედლებს მუშტიკრივში
სუსხიანი ზამთრის ქარი,
სამრეკლოზე რეკავს ზარი
დაუკეტავთ დარაბები,
მეომარი არაბების
აჩრდილი ჩანს ცის კიდეზე,
მუზარადი რაინდებზე,
ჯაჭვი, ხმალი, ცხენი, ფარი,
ისევ ქრის გაუმაძღარი,
არაბთა ღრუბლის ლაშქარი
დაშალა და სულ გაფანტა,
გამარჯვებას უმღერს ქარი,
უსუსინებს, კი არ უმღერს
და ახალ მტერს მუშტებს უღერს,
გამოგზავნა მახარობლად
მოსისინე ცივი ქარი,
უკან მოსდევს მედიდურად
მეფე სიცივის - ზამთარი.