თენდება დილა და გული მტკივა

tendeba dila da guli mtkiva
თენდება დილა და გული მტკივა,
სიზმრებში ჩაძირულ ნავს უკან მოვათრევ
დაორთქლილ მინაზე, ფანტელი ცვივა
ცვივა და დნება არ უცდის ცივ წამებს!

ამ დნობას, მოსდევს გრძნობა იდუმალი,
უკმაყოფილება, ცხადისგან ნაჩუქარი
თურმე, რა ყოფილა მე კი რა მეგონა,
ფერადი სიზმარი და ცხადის შავთეთრობა.

მაგრამ ამბობენ - სიზმარი ახდება
იქნებ, ასეც არის და ცუდი არ ხდება
იქნებ, უცაბედად გაქრეს მარტოობა,
იქნებ, ეს ზმანება არ იყო უდროობაი

და მერე ისევ ოცნება მიტაცებს,
და მერე ისევ სიზმრებში დავცურავ,
პატარა ვარდისფერ ნავით მივცურავ,
უფრო ღრმად,უფრო ღრმად, უფრო ღრმად
შევცურავ...
თენდება დილა და გული მტკივა,
სიზმრებში ჩაძირულ ნავს უკან მოვათრევ,
დაორთქლილ მინაზე ფანტელი ცვივა,
ცვივა და დნება, არ უცდის ცივ წამებს!