ყოველი ქალი

yoveli qali leqsebi poezia
ყოველი ქალი რაღაცას მალავს,
აქვს საიდუმლო თვისი პატარა.
ერთ დროს ნათქვამი"მე შენ მიყვარხარ",
დღემდე იმ განცდით,გულით ატარა...
ან გაცრეცილი ფოტოსურათი,
ან სუვენირი,თუნდ ერთადერთი,
ხმელი ყვავილი გრძნობით მიძღვნილი,
ბავშვური ხელით ნაწერი ლექსი.
არ კითხოთ რატომ,თქვენ ვერც გაიგებთ
ალბათ აგონებს ის სიყმაწვილეს,
ზოგჯერ სჭირდება მისი დახედვით
რომ გაეთიშოს ის სინამდვილეს.
და...არ გეგონოთ რამეს სცოდავდეს,
ის ახლა არის ოჯახის ბურჯი,
მაგრამ რატომღაც მაინც სჭირდება,
მაინც სჭირდება ოცნება ფუჭი. ....