ჰაიტე (ბოშა გოგონა, უსულო ქალაქიდან)

დღეები თოვლივით დნებიან
თოვლივით დღეების შენადნობს
თითები დანებებიან,
შენი თითები შეგვინდე !

გაყინულ ღამეში ფარნებთან
ვაება განუწყვეტელი
სიზმრად ფერმკრთალი ფრანები,
სიზმრადაც გულდაწყვეტილო-

მოგწყინდა განმარტოება
ღამე და ქუჩა, კედარის
ფოთოლგაცვენილ რტოების
უსუსურობას გადარე...

სწორედ ასეა ჰაიტე
და სწორედ ასე რად არი ?!
როდემდე ტკივილს აიტან
მათთვის უცხო და ნადირი-

უსულო ხალხის ცხედარი
უკმარისობით სნეული
ყოველი გრძნობა ხედ არი
იცოდე გადაქცეული...

ღამეა, ისეთი ღამეა
შესცივათ რომ ანგელოსებს
ვილოცებთ იცოდე ან მე ან
ვინმე უთუოდ ილოცებს...

ქალაქი, მტვერი და მუშები
მტვერი და მუშები ქალაქში.
ქალაქი ცივი და ქალაქი
რომელსაც ეხამუშება-

შენნაირ ობოლის აყვანა
ჰაიტე პატარა ჰაიტე
გაგიტყდა ბავშვობის აკვანი
ნეტავი, როგორ დაიტევ-

გულგრილი ხალხის ფაციფუცს
წლისა ხარ ჯერ კიდევ შვიდიოდ
იცოდე დასავით გიფიცებ
მშვიდობით ჰაიტე მშვიდობით...

ავტორი ბექა...