აიწონება შენი სევდა ჩემს გულში

aiwoneba sheni sevda chems gulshi albat
აიწონება შენი სევდა ჩემს გულში ალბათ,
ჩემს გულზე მძიმე ვერ იქნება თვით შენი სევდაც,
მწუხრის პროფილთან ნუთუ ვერ მამჩნევ,
მაცხოვარს ვწვდები ჩემი ვედრებით...

ჩემი ვედრებით კიდევ ერთხელ გაწუხებ ღმერთო,
დასერილ სულით პირ - ჯვარს ვიწერ, კანკალებს ხელი,
დამტოვე სადმე უკაცრიელი, ცოდვებით სავსე,
და დამირაზე სავალი გზები....

ნათელი გზებით იაროს იმან,
ვინც უღირსობას თვალს გაუსწორებს,
მე კი ძარღვებში წყალ - ღვინით ვივლი -
წაიღეთ! ვისაც გჭირდებათ სისხლი!


წაიღეთ გულიც, აღარ მჭირდება,
ვერ გამომადგა სიყვარულისთვის,
გადამთქერავი ცხოვრების ფლოქქვეშ
აგონიაში სულს ლევს იმედიც....


მდორე დინებებს ნიშნის მოგებით,
ვკაფავ და ძალა მეცლება ვხედავ,
ამოსასუნთქად მყოფნის სტროფებში
წყლითგალეული ჯებირად სევდა..