ოჰ, ეს ქარი!..უმიზეზოდ ატყდა დღესაც,
უმიზეზოდ ამიწეწა თმა და სული,
გულმოსულმა ჩაუქროლა ვერხვის ხესაც,
გაიტაცა თან ფოთლები შეყვითლული.
მაინც რისთვის ამოვარდა დღეს ეს ქარი?!
რატომ ჩნდება სწორედ მაშინ, რომ არ ელი?!
ამიბურდა ჩაკეცილი ფიქრის ძაფი,
აუშალა მოგონებებს საღერღელი.
და ეს ქარი...უცნაურად ატყდა დღესაც,
უცნაურად ამიწეწა თმა და სული,
როგორ მინდა, ჩადგებოდეს დღესვე ნეტავ!
მომენატრა შენი თბილი ხმა და გული.
ნ. ალადაშვილი
უმიზეზოდ ამიწეწა თმა და სული,
გულმოსულმა ჩაუქროლა ვერხვის ხესაც,
გაიტაცა თან ფოთლები შეყვითლული.
მაინც რისთვის ამოვარდა დღეს ეს ქარი?!
რატომ ჩნდება სწორედ მაშინ, რომ არ ელი?!
ამიბურდა ჩაკეცილი ფიქრის ძაფი,
აუშალა მოგონებებს საღერღელი.
და ეს ქარი...უცნაურად ატყდა დღესაც,
უცნაურად ამიწეწა თმა და სული,
როგორ მინდა, ჩადგებოდეს დღესვე ნეტავ!
მომენატრა შენი თბილი ხმა და გული.
ნ. ალადაშვილი