რამდენი ხანია მიყვარხარ

რამდენი ხანია მიყვარხარ,
რამდენი ზღაპრული წუთები,
რამდენჯერ აყვავდა ია და
კეკლუც გაზაფხულს ვხვდებით,
თითქოს ერთ წამად იქცა ეს სანუკვარი წლები,
თითქოს პირველი დღე არის,
რაც მე შენს თვალებს შევხვდი.
რამდენი ფიქრი, ტკივილი,
რამდენი წვეთი ცრემლი,
ამ საოცრებას თან გასდევს,
როგორც ზღაპრული სვეტი
და რამდენ ტკბილ მოგონებას,
ალბათ ჩვენ ერთად ვხვდებით,
რადგან სიყვარულს, ძვირფასო,
ვერსად ვერ გავექეცით.
ისევ იმ სითბოს, იმ სიტკბოს,
ისევ იმ ნანატრ წამებს,
წამებს, რომელსაც ჟამთასვლა მარადისობად აქცევს
და სიყვარული, სიცოცხლევ, ჩვენ ცამდე აგვამაღლებს,
ღმერთო, მადლობა, ეს გრძნობა გულში რომ ჩაგვისახე