შენ შემოგწირავ

დღეს შენი დღე მაქვს, შენ შემოგწირავ,
ჩემს ყველა წუთებს და ყველა წამებს...
გუშინ, შენც ნახე მზემ იქორწინა
და დღეს ამიტომ ვერ ახელს თვალებს...
გაიჯეჯილებს, გაიჯეჯილებს,
ამ ნაფუძვრებშიც ყვავების გუნდი...
ქარი გაძარცვავს ღამით ხეხილებს,
და ტოტებს ცოტა შერჩება ბუმბლი...
შეციებული და მოწყენილი
ბაღს წიწკანები შეესევიან...
როგორც შენ მყავხარ შემოჩენილი,
და ვკოცნი ტუჩებს მარწყვისწვენიანს...
ჩაიძირება დღე ღამის ნისლში,
და ქარიც ბოლო სხივებს წაიღებს...
მერე, შენც ჩუმად მკერდს გადამიხსნი,
რასაც ჩვენს მეტი ვერვინ გაიგებს...

თამაზ მეტრეველი