შენ ფიქრობ წახვედი უჩუმრად

შენ ფიქრობ წახვედი უჩუმრად,
ხმაური გახელდა ღელვებად,
ნაპირს შეალეწე ტალღები,
დარდი მოფშვნიტე კენჭებად.
ჰორიზონტს გაუშრა ყელი,
შრიალებენ, წუწუნებენ ვერხვები,
ლექსებს ვადინე ცრემლი,
მონატრებას თვალებით ვეხები.
წახვედი, ღრუბლებს გაჰყევი,
მე დავრჩი დუმილი დამჩემდა,
თუ გინდა მიამბე ზღაპრები,
მაგრამ მე ზღაპრების არ მჯერა.
ზამთარმა შეიკრა მარყუჟი,
დუმილი დამჩემდა, დამცალე,
მერცხლებს, რომ მოჰყვბი ზაფხულში,
მაშინ კი სიჩუმე მაცალე.
ხელს ვეღარ ჩაჰკიდებ, სიყვარულს
კვირტები დაუსკდა ამჯერად,
თუ გინდა მიამბე ზღაპრები,
მე, მაინც ზღაპრების არ მჯერა.