ცხოვრება ზოგისთვის ფიქრია

ცხოვრება ზოგისთვის ფიქრია,
ზოგისთვის - ია-ვარდები;
ზოგისთვის - თბილი გულია;
ზოგისთვის - ეკალ-ბარდები...

ზოგს ასე ესმის, ზოგს ისე
რას იზამ, - ვერ ედავები,
ცხოვრება ეს ის წიგნია -
სადაც ვერაფერს გახდები.

ან უნდა სწორად იკითხო,
ან აგერევა დავთრები,
კვალდაკვალ თუ არ მისდიე,
ბოლოს სულ მარტო დარჩები...

ცხოვრება წავა და შენ კი
მის უკან მიჩანჩალდები,
გვერდები თუ აგერია
გახდები სხვისი დამჯერი...

ყველაზე საინტერესო
ამ წიგნში მაინც ის არის
ყველაფრის მიუხედავად
ჩვენა ვართ მისი ავტორი...

ამ წიგნს ვწერთ ზოგჯერ შეცდომით,
ზოგჯერ ვიღაცის კარნახით
და გვავიწყდება რომ ერთხელ
დაწერილს ვეღარ ამოვშლით,

მაგრამ მთავარი ის არის
ეს წიგნი გადაიკითხო
და თუ შეცდომებს იპოვი
მის ავტორს შინ მიაკითხო...

რადგან არავინ არ იცის
სულ რამდენ ტომად გამოვა
ბოლო წერტილს ხომ ღმერთი სვამს
როდესაც ამის დრო მოვა...