თქვენ მეუბნებით, დროა გავჩუმდე,
დროა შევწყვიტო კითხვა-პასუხი?!
მე გეუბნებით, რა გამაჩუმებს,
როს სიტყვა არის ახლა ჯვარცმული!
თქვენ მეუბნებით,რომ ვარ ავყია,
რომ სიტყვებს ვისვრი დაუფიქრებლად?!
მე გეუბნებით, ვარდი მაყრია
პირზე ღიმილით კეთილ ფიქრებად!
თქვენ მეუბნებით, ვერ შევიგრძენი,
ბედის ბორბალის წაღმა ტრიალი?!
მე გეუბნებით, არ დავიბნევი,
ლელოს გავიტან ბზრიალ-გრიალით!
თქვენ მეუბნებით, არ დაბრუნდება,
ვისაც ვუყვარვარ, ვეღარ ვიპოვი?!
მე გეუბნებით, დრო არ ჩერდება,
და სწორედ ახლა ბაგეს მიკოცნის!
თქვენ მეუბნებით,რომ დავასრულო
ის, რაც განგებამ წილად მარგუნა?!
მე გეუბნებით, რაა საწუთრო,
თუ შეცნობის ხე ჯერ არ დარგულა!
თქვენ მეუბნებით, ვარ უცნაური,
სურვილანათები ზეცას ვეჭიდები?!
მე გეუბნებით, დაჰკარ ჭიანური,
ასაკაცდენილი სიკვდილს ვეჯიბრები!
ნანა სელეპანოვა
ნანა სელეპანოვა- მე გეუბნებით..
⏱️ 1 წთ.
👁️ 7
100%