გადაგივიწყებ, რადგან გული ჩემით არ გტკივა,
რადგან ნაქურდალ შეხვედრების მონად მაქციე,
მე ჩემეული მარტოობის ცრემლი მაწვიმდა,
შენ სიყვარულის სურნელებით სულ გადამრიე.
ისევ მოდიხარ ლურჯ სიზმრებში,ისევ არ მტოვებ,
მაგრამ გაცრეცილ, უღიმღამო ფერად ხუნდები,
დავითვრები და სისხლიან მერს წყალს დავაყოლებ,
და მივიწყებულ მოგონებად გადიფურცლები.
გუშინ მოზომილ სიბრალულით უცებ ჩამქოლე,
მეც დაბნეულმა ჩაგითვალე მუჭში ხურდები,
გაგეცლები და მრუში მზერით სახტად დაგტოვებ
და ასხლეტილი კალმახივით ჩაგიცურდები.
გეგებებოდი ყოველ დილით,როგორც განთიადს,
ციდან ურიცხვი ვარსკვლავები შენთვის ვაბნიე,
მე სიმარტოვით გახარჯულმა წლებმა ამრია,
შენ კი,მსხვერპლივით შენიღბულმა სულ დამაბნიე.
ნანა სელეპანოვა - სულ დამაბნიე
⏱️ 1 წთ.
👁️ 6
100%