მზე მიცინის ამ დილით,
თუ განწყობის ბრალია,
მგონი, უკვე გავგიჟდი,
ბევრიც აღარ მაკლია.
დედამიწას მანჟეტი
ტანზე შემოტმასნია,
არა,მართლა არ ვცდები,
თუ მანჟეტის ბრალია.
მზეს ღრუბელმა თითებით
სხივი ჩამოახია,
მზემ სიმწრისგან ფთილები
თავზე გადაახია.
მარსმა ადვოკატივით
ჩამოიცვა მანტია,
ყოვლისმცოდნე კაცივით
მთვარე განზე გაწია.
ისე, ნასას დასკვნებით,
მთვარე რა შუაშია,
როცა ღრუბლის ნაგლეჯით
მზე მუდმივად მკრთალია.
ამ ჩვენს გალაქტიკაში
ასეთები მოსულა,
ბიჭმა გოგო თივაში
ცქერით დააორსულა.
ნანა სელეპანოვა - ასეთები მოსულა
⏱️ 1 წთ.
👁️ 9
100%